ខណៈពេលដែលការវាយប្រហារដោយយន្តហោះគ្មានមនុស្សបើក និងកាំជ្រួចមួយយប់របស់រុស្ស៊ីទៅលើអ៊ុយក្រែនបានឈានដល់កម្រិតកំពូល។ យោធារបស់រុស្ស៊ីក៏កំពុងសម្រុកវាយប្រហារដណ្តើមទឹកដីលើសមរភូមិចំនួនបីផងដែរ។
រុស្សីបានព្យាយាមបើករណសិរ្សទីបីនៅភាគខាងកើតអ៊ុយក្រែន
កាលពីខែមុន កងកម្លាំងរុស្ស៊ីបានរឹបអូសយកផ្ទៃដីទំហំ 556 គីឡូម៉ែត្រការ៉េ (215 ម៉ាយការ៉េ) ដែលជាការកាន់កាប់ដីដ៏ធំបំផុតរបស់ខ្លួននៅឆ្នាំនេះ នេះបើយោងតាមគេហទំព័រឃ្លាំមើល DeepState បើកចំហរនៅក្នុងប្រទេសអ៊ុយក្រែន។ នោះគឺជាតំបន់បួនដងនៃទំហំរបស់ Liverpool និងទំហំជិតដូចគ្នានឹងទីក្រុង Chicago ។
គោលដៅរបស់រុស្ស៊ីគឺកាត់ផ្តាច់ផ្លូវផ្គត់ផ្គង់ដែលប្រើប្រាស់ដោយទាហានអ៊ុយក្រែននៅភាគខាងកើត និងបង្កើតតំបន់ការពារមួយនៅខាងក្នុងព្រំដែនភាគខាងជើងរបស់អ៊ុយក្រែន។
ប៉ុន្តែ ការឈានទៅមុខរបស់ទាហានរុស្ស៊ីនៅតែយឺតៗ។ ក្នុងល្បឿននេះ វាត្រូវចំណាយពេលជាង ៧០ ឆ្នាំដើម្បីដណ្តើមយកប្រទេសអ៊ុយក្រែនទាំងមូល។
ការវាយប្រហាររបស់រុស្សីភាគច្រើនគឺផ្តោតទៅលើបីផ្នែក៖
-តំបន់ Sumy ដែលមានព្រំប្រទល់ជាប់ប្រទេសរុស្ស៊ីនៅភាគខាងជើងឆៀងខាងកើត។ទីក្រុងភាគខាងកើតចំនួនពីរគឺ Pokrovsk និង Kostyantynivka
– សមរភូមិមុខទីបីនៅខាងលិច Pokrovsk។
កងទ័ពរុស្ស៊ីអាចរុញច្រានជម្រៅប្រហែល 10-12 គីឡូម៉ែត្រ (6-7.5 ម៉ាយល៍) នៅខាងក្នុងតំបន់ Sumy ប៉ុន្តែ ការរីកចម្រើននោះបានឈប់នៅចំពោះមុខការតស៊ូដ៏ខ្លាំងក្លា។
លោក វ្ល៉ាឌីមៀ ពូទីន និយាយថា លោកចង់បង្កើតតំបន់ការពារដើម្បីការពារទឹកដីរុស្ស៊ី បន្ទាប់ពីកងកម្លាំងអ៊ុយក្រែនដណ្តើមបានទឹកដី Kursk កាលពីរដូវក្តៅមុន។ កងកម្លាំងរុស្ស៊ីនៅទីបំផុតបានបណ្តេញពួកគេចេញ ដោយមានជំនួយពីទាហាន និងសព្វាវុធកូរ៉េខាងជើង។
បន្ទាប់មក ទាហានរុស្សីបានឆ្លងចូលទៅក្នុងប្រទេសអ៊ុយក្រែន ប៉ុន្តែ ត្រូវបានជាប់គាំងយ៉ាងឆាប់រហ័សក្នុងការប្រយុទ្ធគ្នាលើភូមិព្រំដែនតូចៗ ដែលនៅតែបន្តផ្លាស់ប្តូរតដៃគ្នារហូតមកដល់សព្វថ្ងៃនេះ។ បើគ្មានការពង្រឹងសំខាន់ទេ វាទំនងជាទាហានរុស្ស៊ីនឹងមិនអាចរុញច្រានបន្ថែមទៀតនៅទីនេះទេ។
តំបន់ភាគខាងជើងមួយទៀត ដែលកងទ័ពរុស្ស៊ីត្រូវបានគេរាយការណ៍ថា បានឆ្លងកាត់ព្រំដែននៅតំបន់ Kharkiv ។ កាលពីសប្តាហ៍មុន ពួកគេបានអះអាងពីការចាប់យកភូមិជាប់ព្រំដែន ប៉ុន្តែ ដោយមិនបានប្រើប្រាស់នូវធនធានដ៏ច្រើននោះ ទាហានរុស្ស៊ីទំនងជាមិនអាចទទួលបានដីបន្ថែមទៀតឡើយ។
