កាសែតថៃ The Nation បានរាយការណ៍ពីគុណបំណាច់របស់ប្រទេសថៃ ដែលបានឲ្យកម្ចីដល់កម្ពុជា បើទោះបី ជាកម្ពុជាបានសងត្រឡប់ទៅវិញជិតអស់ទេហើយ។
កាសែតថៃ The Nation បានរាយការណ៍រដ្ឋាភិបាលកម្ពុជាបានដកកម្ចីពីប្រទេសថៃជាច្រើនលើក ដែលមានចំនួនសរុបជាងមួយពាន់លានបាត ដើម្បីផ្តល់មូលនិធិដល់ការអភិវឌ្ឍហេដ្ឋារចនាសម្ព័ន្ធ ជាពិសេសការសាងសង់ និងជួសជុលផ្លូវនៅទូទាំងប្រទេស។ ប៉ុន្តែប្រជាជនកម្ពុជាជាច្រើនប្រហែលជាមិនបានដឹងពីជំនួយហិរញ្ញវត្ថុនេះពីប្រទេសជិតខាងរបស់ពួកគេនោះទេ។
ត្រឡប់ទៅឆ្នាំ ២០០៩ ក្រសួងសេដ្ឋកិច្ច និងហិរញ្ញវត្ថុរបស់កម្ពុជាបានចុះហត្ថលេខាលើកិច្ចព្រមព្រៀងប្រាក់កម្ចីជាមួយប្រទេសថៃ ដែលមានតម្លៃជាង ១,៤ ពាន់លានបាត ដើម្បីផ្តល់មូលនិធិជួសជុលផ្លូវជាតិលេខ ៦៨ ដែលរត់ពីច្រកព្រំដែនចុងជុំទៅខេត្តឧត្តរមានជ័យ ដែលមានចម្ងាយជាង ១១៣ គីឡូម៉ែត្រ។
យ៉ាងណាក៏ដោយ មិនយូរប៉ុន្មាន ភាពតានតឹងជុំវិញប្រាសាទព្រះវិហារបានកើនឡើងរហូតដល់ជម្លោះព្រំដែន។ ជាការឆ្លើយតប កម្ពុជាបានស្នើសុំដកខ្លួនចេញពីកិច្ចព្រមព្រៀងប្រាក់កម្ចី ដោយលើកឡើងថា ខ្លួនមានថវិកាគ្រប់គ្រាន់។
កន្លងមកប្រទេសថៃក៏បានជួយផ្តល់ហិរញ្ញប្បទានដល់ការសាងសង់ផ្លូវលេខ៤៨ និង៦៧ផងដែរ ។
