បាងកក៖តាម កាសែតថៃ The Nation លោក Anutin Charnvirakul ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានគណបក្ស Bhumjaithai បានលើកឡើង ប្រសិនបើលោកមិនបានរក្សាតួនាទីទេ លោកបានត្រៀមខ្លួនជាសមាជិកបក្សប្រឆាំង។
លោក Anutin Charnviraku បានលើកឡើងពីការពន្យារពេលកិច្ចប្រជុំគណៈរដ្ឋមន្ត្រីចល័ត ដែលគ្រោងធ្វើនៅថ្ងៃទី២៤ ខែមិថុនា នៅទីក្រុង Phitsanulok។ ការពន្យារពេលនេះបានបង្កឱ្យមានការរំពឹងទុកទាក់ទងនឹងការរុះរើគណៈរដ្ឋមន្ត្រីនាពេលខាងមុខ។
លោក Anutin បញ្ជាក់ថា ការពន្យារពេលនេះទំនងជាដោយសារស្ថានការណ៍ដែលកំពុងកើតឡើង ជាពិសេសភាពតានតឹងតាមបណ្តោយព្រំដែនកម្ពុជា-ថៃ។ លោកបានកត់សម្គាល់ថា ការប្រជុំបានដំណើរការទៅហើយ វាអាចនឹងមានការរិះគន់។ លោកបានយល់ស្របនឹងការសម្រេចរបស់លោកស្រីនាយករដ្ឋមន្ត្រីក្នុងការពន្យារពេលកិច្ចប្រជុំ។
នៅពេលសួរថាតើនាយករដ្ឋមន្ត្រីបានផ្តល់សញ្ញាឱ្យរុះរើគណៈរដ្ឋមន្ត្រីដល់គាត់ឬអត់នោះ Anutin បានឆ្លើយយ៉ាងម៉ឺងម៉ាត់ថាមិនមានការបង្ហាញបែបនេះទេ។ លោកបានបន្ថែមថា ការរុះរើមិនអាចកើតឡើងដោយគ្មានការជូនដំណឹងជាមុនទេ។
ទាក់ទងនឹងមុខតំណែងផ្ទាល់ខ្លួនជារដ្ឋមន្ត្រីក្រសួងមហាផ្ទៃ បន្ទាប់ពីមានពាក្យចចាមអារ៉ាមថា លោកអាចនឹងត្រូវចាត់តាំងឲ្យទៅក្រសួងផ្សេងទៀត លោក Anutin បានបង្ហាញការជឿជាក់ដោយបញ្ជាក់ថា «ខ្ញុំមានទំនុកចិត្ត»។ ទោះយ៉ាងណា លោកបានបន្ថែមថា ប្រសិនបើលោកមិនបានរក្សាតួនាទីទេ លោកបានត្រៀមខ្លួនជាសមាជិកបក្សប្រឆាំង។
#ThailandNews #TheNation #anutin #Bhumjaithai
