8សមាជិកសភាគណបក្សប្រជាជនលោក Rangsiman Rome ប្រធានគណៈកម្មាធិការបានប្រាប់ប្រព័ន្ធផ្សព្វផ្សាយនៅថ្ងៃទី១៨ ខែកក្កដានេះថា ពួកគេសម្រេចចិត្តកោះហៅរដ្ឋាភិបាលឲ្យពន្យល់ឬផ្តល់សក្ខីកម្មអំពីបញ្ហាផលប្រយោជន៍ជាតិ ព្រោះការប៉ុនប៉ងពីមុនរបស់ក្រុមនេះមិនត្រូវបានលោកស្រី Paetongtarn យកចិត្តទុកដាក់។
Rangsiman Rome សមាជិកសភាថៃ
ការកោះហៅនេះអនុលោមតាមច្បាប់ចូលជាធរមាននៅថ្ងៃទី៥ ខែមិថុនា ដោយផ្តល់អំណាចដល់គណៈកម្មាធិការសភា ឬព្រឹទ្ធសភា ដើម្បីកោះហៅសមាជិករដ្ឋាភិបាលមកពន្យល់ និងផ្តល់សក្ខីកម្មអំពីបញ្ហាផលប្រយោជជាតិថៃ។
សមាជិកសភាគណបក្សប្រជាជនកម្ពុជា លោក Rangsiman Rome ប្រធានគណៈកម្មាធិការរៀបចំសន្និសីទសារព័ត៌មានដើម្បីបង្ហាញការរកឃើញរបស់គណៈកម្មាធិការសន្តិសុខរដ្ឋសភាទាក់ទងនឹងបញ្ហាព្រំដែនកម្ពុជា-ថៃ។
លោក Rangsiman Rome ថា បញ្ហានេះជាផលប្រយោជន៍ជាតិ និងសំខាន់សម្រាប់ទំនាក់ទំនងរវាងថៃ និងកម្ពុជា ដោយលោកបន្ថែមថា ការហៅទូរស័ព្ទដែលមានជម្លោះនោះជាការរំលោភលើពិធីការការទូត។
លោក Rangsiman Rome បញ្ជាក់ថា គណៈកម្មាធិការក៏នឹងកោះហៅនាយករដ្ឋមន្ត្រីស្តីទី Phumtham Wechayachai រដ្ឋមន្ត្រីការបរទេស Maris Sangiampongsa អគ្គលេខាធិការក្រុមប្រឹក្សាសន្តិសុខជាតិ មេបញ្ជាការការិយាល័យស៊ើបអង្កេតឧក្រិដ្ឋកម្មតាមអ៊ីនធឺណិត និងជាប្រធានគណៈកម្មការផ្សព្វផ្សាយ និងទូរគមនាគមន៍ជាតិ ព្រមទាំងអភិបាលនៃអាជ្ញាធរអគ្គិសនីខេត្ត ឲ្យមកផ្តល់សក្ខីកម្មជាមួយសភាកម្ពុជា។
ខ្លឹមសារនៃការហៅទូរស័ព្ទដែលបែកធ្លាយនេះ បង្កឲ្យមានវិបត្តិនយោបាយ ជាហេតុនាំឲ្យលោកស្រី Paetongtarn ត្រូវបានតុលាការធម្មនុញ្ញបញ្ជាឱ្យបញ្ឈប់ការព្យរតួនាទីជានាយករដ្ឋមន្ត្រី ដោយរង់ចាំការសម្រេចថា តើលោកស្រីត្រូវដកតំណែងនាយករដ្ឋមន្ត្រីដែរឬទេ?
ជាមួយគ្នានេះ សមាជិកសភា Bhumjaithai លោកស្រី Pathida Tantirattananon ដែលជាសមាជិកគណៈកម្មាធិការមួយ មានប្រសាសន៍ថា លោកស្រីចង់សួរលោកស្រី Paetongtarn អំពីការសន្យារបស់លោកស្រី ចំពោះប្រជាពលរដ្ឋដែលរស់នៅតាមព្រំដែនជាមួយប្រទេសកម្ពុជាក្នុងខេត្តសុរិន្ទ ក្នុងការសាងសង់ ឬកែលម្អជម្រកគ្រាប់បែក ជាពិសេសនៅតាមសាលារៀន។
លោកស្រីបានគូសបញ្ជាក់ថា ៨០ភាគរយ នៃសាលារៀនដែលមានទីតាំងនៅជិតព្រំដែនមិនមានជម្រកគ្រាប់បែកឡើយ៕
