ដំបូងឡើយ ប៉ូលីសបានរឹបអូសបាននូវឡេការពារកម្តៅថ្ងៃម៉ាក Athena ចំនួនជិត 5,000 គ្រឿង និងរក្សាទុកជាបណ្តោះអាសន្ននូវគ្រឿងសម្អាងជាង 8,600 ផ្សេងទៀត រួមមាន ក្រែមច្រើនមុខ ហ្វូមលាងមុខ ទឹកអប់ និងសាប៊ូកក់សក់ ដែលសុទ្ធសឹងជាទំនិញរួចរាល់សម្រាប់ចែកចាយលើទីផ្សារ។
ស្នងការដ្ឋាននគរបាលខេត្ត Phu Thọ ភាគពាយ្យទីក្រុងហាណូយ បានចាប់ផ្តើមដំណើរការនីតិវិធីច្បាប់ និងបានឃាត់ខ្លួនលោក Đường Văn Thiết នាយកក្រុមហ៊ុន Athena Việt Nam Manufacturing and Trading Co., Ltd ពាក់ព័ន្ធប្រតិបត្តិការគ្រឿងសម្អាងក្លែងក្លាយទ្រង់ទ្រាយធំ។
ប៉ូលិសចុះឆែកឆេរឃ្លាំងរបស់ក្រុមហ៊ុន Athena Việt Nam។ រូបថតរបស់ Phu Thọ Police
ការចាប់ខ្លួននេះធ្វើឡើងបន្ទាប់ពីមានការឆ្មក់ចូលដោយផ្នែកប៉ូលីសសេដ្ឋកិច្ច ខេត្ត Phú Thọ ទៅលើរោងចក្ររបស់ក្រុមហ៊ុននៅ Thanh Miếu Ward ជាកន្លែងដែលពួកគេរកឃើញការផលិតផលិតផលថែរក្សាសម្ផស្សក្លែងក្លាយ។ ពេលនេះ Thiết កំពុងប្រឈមមុខនឹងការចោទប្រកាន់ពីបទ «ផលិត និងជួញដូរទំនិញក្លែងក្លាយ»។
ក្នុងការចុះបង្ក្រាបនោះ សមត្ថកិច្ចបានរឹបអូសបានទំនិញខុសច្បាប់មួយចំនួនធំ ។ ការរាប់ដំបូងបានបង្ហាញឱ្យឃើញនូវឡេការពារកម្តៅថ្ងៃម៉ាក Athena ក្លែងក្លាយជិត 5,000 គ្រឿង និងគ្រឿងសម្អាងជាង 8,600 ផ្សេងទៀត រួមទាំងក្រែមច្រើនមុខ ទឹកជូតមុខ ទឹកអប់ និងសាប៊ូកក់សក់។ ផលិតផលទាំងអស់ត្រូវបានខ្ចប់រួចរាល់សម្រាប់ការចែកចាយទីផ្សារ។
ផលិតផលឡេការពារកម្តៅថ្ងៃក្លែងក្លាយរបស់ក្រុមហ៊ុន Antena vietnam.
អាជ្ញាធរបានបង្ហាញថា ក្រុមហ៊ុនមានចេតនាបំភាន់អ្នកប្រើប្រាស់ដោយការបោះពុម្ពការអះអាងមិនពិតលើស្លាកក្រែមការពារកម្ដៅថ្ងៃរបស់ខ្លួន។ យោងតាមការស៊ើបអង្កេត Thiết បានយល់ព្រមលើការវេចខ្ចប់ដែលផ្សព្វផ្សាយឡេការពារកម្តៅថ្ងៃដែលមាន SPF 50+ ហើយបានអះអាងថាវាអាចទប់ស្កាត់កាំរស្មី UVB បាន 98 ភាគរយ ទោះបីជាមិនមានការវិភាគអំពីសមាសធាតុ ឬប្រសិទ្ធភាពពិតប្រាកដរបស់ផលិតផលក៏ដោយ។
ការបោកប្រាស់នេះត្រូវបានលាតត្រដាងដោយរបាយការណ៍កោសល្យវិច្ច័យពីវិទ្យាស្ថានវិទ្យាសាស្ត្រព្រហ្មទណ្ឌនៃក្រសួងសន្តិសុខសាធារណៈ។ របាយការណ៍ចុះថ្ងៃទី 1 ខែកក្កដា បានរកឃើញថា SPF ពិតប្រាកដរបស់ឡេការពារកម្តៅថ្ងៃគឺស្ថិតនៅចន្លោះពី 4.2 ភាគរយ និង 26.6 ភាគរយ នៃកម្រិតដែលបានផ្សព្វផ្សាយនៅលើវេចខ្ចប់។
ភាពខុសគ្នានេះគឺមានសារៈសំខាន់ផ្នែកច្បាប់។ នៅក្រោមក្រិត្យលេខ 98/2020 របស់រដ្ឋាភិបាល រាល់ផលិតផលឡេការពារកម្តៅថ្ងៃដែលមានកម្រិត SPF ក្រោម 70 ភាគរយនៃតម្លៃដែលបានទាមទាររបស់វាត្រូវបានចាត់ថ្នាក់ជាផ្លូវការថាជាទំនិញក្លែងក្លាយ។
ករណីនេះកំពុងស្ថិតក្រោមការស៊ើបអង្កេតបន្ថែមទៀត។ VNS
