ខេត្តសៀមរាប ៖ បន្ទាប់ពីបាតុភូតរន្ទះបាញ់នៅប្រាសាទអង្គរវត្ត ស្លាប់ម្នាក់ និងរងរបួស១៤នាក់អាជ្ញាធរខេត្ត នឹងធ្វើការដំឡើងបន្ថែមទៀតនូវឧបករណ៍ការពាររន្ទះនៅបរិវេណប្រាសាទអង្គរវត្ត និងនៅតាមបណ្តាប្រាសាទសំខាន់ៗមួយចំនួនទៀតដែលមានអ្នកទេសចរដើរកម្សាន្តច្រើន ដើម្បីបង្កើនការធានាសុវត្ថិភាពជូនភ្ញៀវទេសចរ ពីគ្រោះធម្មជាតិមួយនេះ ។
នេះជាការបញ្ជាក់របស់លោក លី វណ្ណៈ នាយករដ្ឋបាលសាលាខេត្ត ប្រាប់អ្នកសារព័ត៌មាន ។
ជុំវិញគម្រោងបំពាក់ឧបករណ៍ការពាររន្ទះបន្ថែមនេះ លោក ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តសៀមរាប បានដឹកនាំក្រុមការងារទៅពិនិត្យនៅបរិវេណប្រាសាទអង្គរវត្តដោយផ្ទាល់ កាលពីថ្ងៃទី១៧ ខែឧសភា ឆ្នាំ២០២៥កន្លងទៅ ។
In this article:
