Connect with us

Hi, what are you looking for?

Mekong News

ព័ត៌មានសន្តិសុខ​សង្គម

រឿងសង់របងលើខ្នងប្រឡាយបិទផ្លូវពលរដ្ឋ  រដ្ឋបាលក្រុងកែបថា  បានឲ្យមន្រ្តីជំនាញចុះពិនិត្យត្រឹមត្រូវ

កែប៖ រដ្ឋបាល ក្រុងកែប បានចេញ សេចក្ដីបំភ្លឺព័ត៌មាន ​មួយនៅថ្ងៃទី១០ ខែមករា ឆ្នាំ២០២៥ ជាកិច្ចឆ្លើយតបស្ថាប័នព័ត៌មានពីរអង្គភាពដែលបានផ្សាយកន្លងមកថា « ពាក់ព័ន្ធករណីការផ្សព្វផ្សាយព័ត៌មានខាងលើនេះ រដ្ឋបាលក្រុង បានចេញលិខិតអនុញ្ញាតសាងសង់របងថ្មមួយកន្លែងដែលមាន វិញ្ញាបនបត្រសម្គាល់ ម្ចាស់អចលនវត្ថុ លេខៈ១៩៧៦ ស្ថិតនៅ ភូមិកំពង់ត្រឡាច សង្កាត់ព្រៃធំ ក្រុងកែប ខែត្រកែប ជាកម្មសិទ្ធិរបស់ឈ្មោះ ហ៊ីង ភារ៉ានិច ភេទស្រី លើសពីនេះ រដ្ឋបាលក្រុង ក៏បានចាត់ឱ្យមន្ត្រីជំនាញចុះពិនិត្យ និងផ្ទៀងផ្ទាត់ព្រំដី ដែលបានសាងសង់របងខាងលើនេះឃើញថា ការធ្វើរបងនេះ ត្រឹមត្រូវតាមប្លង់កម្មសិទ្ធិមិនបានធ្វើរំលោភចូលផ្លូវទឹកឡើយ »។

ទោះបីជា រដ្ឋបាលក្រុងកែប បំភ្លឺថា ការសាងសង់របង មិនធ្វើ រំលោភចូលផ្លូវទឹកក៏ដោយ ប៉ុន្តែ ប្រជាពលរដ្ឋនៅតែទទូចថា  ការសង់របងនេះបានធ្វើឲ្យប៉ះពាល់ផ្លូវចេញចូល និងបើកបរគោយន្តដឹកកសិផលរបស់ពួកគាត់។  ពួកគាត់សួរថា បើអាជ្ញាធរ ឲ្យគេសង់របងបិទបែបនេះ  តើឲ្យពួកគាត់ដឹកកសិផល  និងចេញចូលតាមផ្លូវណា?

ពួកគាត់មានចម្ងល់ថា ហេតុអី  បានជាអាជ្ញាធរ ចេញប្លង់កម្មសិទ្ធយកដីខ្នងប្រឡាយទៅឲ្យបុគ្គលអ្នកមានលុយបែបនេះ ?

ទាំងលោក ប៊ុន យ៉ូង អភិបាលរង និងជាអ្នកនាំពាក្យសាលាខេត្តកែប  និងលោក ឃន វុទ្ធី អភិបាលក្រុងកែប មិនបានឆ្លើយតបតាមសារតេឡេក្រាម របស់មេគង្គ ញូវស៍ នៅឡើយទេ៕