កាសែតធំៗលើពិភពលោក ដូចជា សារព័ត៌មាន Mongabay ជាដើម បានចុះផ្សាយអំពីសកម្មភាពលោក អ៊ុក ម៉ៅ ជាអ្នកកាសែតក្រីក្រតែក្លាហាន តែងតែចុះថតនិងរាយការណ៍អំពីករណីកាប់បំផ្លាញព្រៃឈើនៅខេត្តស្ទឹងត្រែង និងព្រៃឡង់…។ ជាមួយគ្នានេះដែរ ខេមបូចា ទាមទារឲ្យដោះលែងលោអ៊ុក ម៉ៅអ្នកកាសែតបរិស្ថាន ដោយគ្មានលក្ខខណ្ឌ https://www.mongabay.com
កាសែតទាំងនោះបានរាយការណ៍ទៀតថា លោកអ៊ុក ម៉ៅ ធ្លាប់ត្រូវគេប្រើអំពើហឹង្សារ ហើយផ្ទះក្រីក្ររបស់គាត់ត្រូវគេលួចដុតចោលទៀត ប៉ុន្តែគាត់នៅតែបន្តការងារផ្សាយករណីកាប់បំផ្លាញព្រៃឈើដដែលទោះបីគ្មានចំណូល ហើយរងការគំរាមកំហែងយ៉ាងណាក្តី…។
កាសែតធំៗលើពិភពលោកបានចុះផ្សាយអំពីសកម្មភាពដ៏អស្ចារ្យនិងក្លាហានរបស់គាត់ ថាជាបុគ្គលគម្រូ លះបង់ ក្លាហាន ជាអ្នកាសែតបរិស្ថានដ៏គួរអោយគោរព ។
លោកអ៊ុក ម៉ៅ តែងតែចុះរាយការណ៍ មិនដែលអួតពីសកម្មភាពគាត់ដូចបុគ្គលខ្លះដែលចុះថតដើរលេងព្រៃតាមគេប្រើសោះ ជិះម៉ូតូធំដើរលេងព្រៃសោះ តែថតបង្ហោះយកCreditថាខ្លួនជាអ្នកការពារព្រៃ ដើម្បីឲ្យអ្នកមិនដឹងខ្យល់ ពោលសសើរ ពោលអួត ចង់បានLike, Shareនោះទេ ។
អ្នកឈឺឆ្អាលពិតប្រាកដ អ្នកការពារព្រៃឈើពិត អ្នកលះបង់ពិតប្រាកដ គឺលោកអ៊ុក ម៉ៅនេះឯង…គាត់គ្មានម៉ូតូធំជិះដើរលេងព្រៃ ថតអួតសំញ៉ែងដូចគេដើម្បីយកCreditនោះទេ គឺគាត់ធ្វើការងារជាក់ស្តែងពិតប្រាកដ..។
ឥឡូវគាត់ត្រួវបានគេចោទប្រកាន់ពីបទនេះបទនោះ ហើយចាប់គាត់ដាក់គុកបាត់ហើយ…កាសែតធំៗលើពិភពលោកកំពុងចុះផ្សាយពីគាត់…តែប្រជាជនខ្មែរមិនសូវស្គាល់គាត់ អាណិតគាត់ទេ…ប្រពន្ធកូនគាត់កំពុងលំបាកដោយសាររឿងនេះណាស់ ផ្ទះក៏គេដុតចោល ប្តីក៏ជាប់គុក។
ខេមបូចា ទាមទារឲ្យដោះលែងលោអ៊ុក ម៉ៅអ្នកកាសែតបរិស្ថាន ដោយគ្មានលក្ខខណ្ឌ
អ្នកកាសែតបរិស្ថាន លោក អ៊ុក ម៉ៅ ដែលត្រូវបានគេរាយការណ៍ថាប្រឈមនឹងបណ្តឹងជាច្រើនត្រូវបានចាប់ខ្លួននៅថ្ងៃទី១៦ ខែឧសភា ឆ្នាំ២០២៥។
អ្នកសម្របសម្រួលសមាគមការពារសិទ្ធិមនុស្សអាដហុក (ADHOC) ខេត្តស្ទឹងត្រែង បញ្ជាក់ថា លោក អ៊ុក ម៉ៅ នៅថ្ងៃទី១៦ ខែឧសភា។ ទោះជាយ៉ាងណាមូលហេតុនៃការចាប់ខ្លួនគាត់នៅមិនទាន់ច្បាស់នៅពេលនេះទេ។
ប្រពន្ធរបស់ម៉ៅ បានប្រាប់ CamboJA ថា គាត់ត្រូវបានចាប់ខ្លួននៅផ្ទះរបស់ពួកគេនៅម៉ោងប្រហែល ១២ យប់។ ដោយបុរសពីរនាក់ក្នុងនោះមានម្នាក់ពាក់ឯកសណ្ឋានប៉ូលិសយោធា។ នាងបាននិយាយថា ពួកគេមិនបានផ្តល់ការពន្យល់ណាមួយសម្រាប់ការចាប់ខ្លួននេះ។
កាលពីមុន នៅថ្ងៃទី២៤ ខែមីនា ឆ្នាំ២០២៥ លោក អ៊ុក ម៉ៅ ដែលជាអ្នករាយការណ៍ព័ត៌មាន អ៊ីនទ្រី បូក ត្រូវបានមនុស្សបីនាក់ វាយដំលើរាងកាយ ដែលត្រូវបានរាយការណ៍ថា ជាអតីតមន្ត្រីខេត្ត។ ការវាយប្រហារនេះបានបណ្តាលឱ្យមានរបួសស្រាលលើមុខរបស់គាត់ ហើយស្មាតហ្វូនរបស់គាត់ត្រូវបានបំផ្លាញក្នុងពេលកើតហេតុ។
អ្នកកាសែតបានប្រាប់ CamboJA នៅពេលនោះថា គាត់បានទទួលរបាយការណ៍ពីអ្នកភូមិជុំវិញការកាប់បំផ្លាញព្រៃឈើខុសច្បាប់នៅក្នុងសហគមន៍ព្រៃឡង់។ លុះម៉ោង២រសៀល ពេលត្រឡប់មកផ្ទះវិញ ក្រោយពីថតរូបរួច ក៏ត្រូវបុរស៣នាក់ឃាត់សួរនាំឱ្យលុបរូបនោះ ។ ពេលគាត់មិនព្រម ស្រាប់តែបុរសម្នាក់បានវាយចំមុខបណ្តាលឱ្យរងរបួសស្រាល ហើយវាយកម្ទេចទូរស័ព្ទដៃរបស់គាត់ ។
ពីរថ្ងៃក្រោយមក គឺនៅថ្ងៃទី២៦ មីនា ម៉ៅ បានដាក់ពាក្យបណ្តឹងទៅប៉ូលិសស្រុក។ ទោះជាយ៉ាងណា លោកត្រូវបានគេជូនដំណឹងថា មានពាក្យបណ្តឹងដាច់ដោយឡែកមួយក៏ត្រូវបានប្តឹងលោកដែរ។ អាជ្ញាធរមិនបានបង្ហាញថាអ្នកណាដាក់ពាក្យបណ្តឹងនោះទេ។
កាលពីថ្ងៃទី២៤ ខែមេសា ឆ្នាំ២០២៥ សាលាដំបូងខេត្តស្ទឹងត្រែង បានកោះហៅលោក អ៊ុក ម៉ៅ ឲ្យចូលខ្លួននៅថ្ងៃទី២០ ខែឧសភា ពាក់ព័ន្ធនឹងករណីហិង្សាដែលបានកើតឡើងកាលពីថ្ងៃទី២៤ ខែមីនា។លោក ម៉ៅ បានប្រាប់ CamboJA មុនពេលចាប់ខ្លួនលោកថា បច្ចុប្បន្នលោកកំពុងប្រឈមមុខនឹងសំណុំរឿងតាមផ្លូវច្បាប់រហូតដល់ ១៥ករណី៕
