អន្តរជាតិ៖ នៅពេលលោក Elon Musk កំពុងប្រឈមនឹងប្រតិកម្មខ្លាំងខាងនយោបាយនិងហិរញ្ញវត្ថុ លោកប្រធានាធិបតី Donald Trump បាននិយាយថាលោកនឹងទិញរថយន្ត Tesla មួយគ្រឿងមកពីក្រុមហ៊ុនរបស់លោក Musk ជាការបង្ហាញនូវការគាំទ្រមិនប្រក្រតីមួយមកពីលោកប្រធានាធិបតីដល់ទីប្រឹក្សាដ៏មានអំណាចបំផុតរបស់លោក។
ការណ៍នេះជាឧទាហរណ៍ថ្មីៗបំផុតថា តើលោក Trump បានបង្ហាញនូវភាពស្មោះត្រង់យ៉ាងដូចម្តេចដល់លោក Musk ដែលបានចំណាយប្រាក់យ៉ាងច្រើនលើយុទ្ធនាការនៃការត្រឡប់មកកាន់អំណាចរបស់លោកកាលពីឆ្នាំទៅហើយបានក្លាយជាឥស្សរជនសំខាន់មួយនៅក្នុងរដ្ឋបាលអាណត្តិទី២របស់លោក។
ប្រធានាធិបតីខាងគណបក្សសាធារណរដ្ឋរូបនេះបានប្រកាសកាលពីព្រឹកថ្ងៃអង្គារថាលោកនឹងទិញរថយន្ត Tesla ថ្មីមួយគ្រឿងជា«ការបង្ហាញនូវទំនុកចិត្តនិងការគាំទ្រដល់លោក Musk ដែលជាជនជាតិអាមេរិកាំងដ៏អស្ចារ្ស៍ពិតប្រាកដម្នាក់»៕
