កំពត ៖ កាស៊ីណូ សុខ គីមម៉េង ទីតាំងភូមិព្រែកក្រើស ឃុំព្រែកក្រើស ស្រុកកំពង់ត្រាច បានបើកឲ្យក្រុមញៀនល្បែងពលរដ្ឋខ្មែរ ចូលមកលេងល្បែងសុីសងជល់មាន់ បៀរ អាប៉ោង និងល្បែងជាច្រើនប្រភេទទៀត ដោយសេរីយ៉ាងគគ្រឹកគគ្រេងនៅកាស៊ីណូច្រកព្រំដែនទ្វេភាគី តន់ហន់ តាមអំពើចិត្ត។
លើសពីនេះទៅទៀត ជនជាតិវៀតណាមអត់ប៉ាស្ព័រឆ្លងដែនក៏អាចចេញចូលលេងល្បែងសុីសងយ៉ាងអនាធិបតេយ្យ ដោយមានការគប់គិតពីមន្រ្តីនគរបាលច្រកទ្វារទន់ហន់ ។
សកម្មភាពរបស់កាស៊ីណូសុខ គឹមម៉េងនេះ ផ្ទុយពី.ស ជ. ណ .ក្រសួងស្ថាប័នពាក់ព័ន្ធក្រសួងសេដ្ឋកិច្ចនិងហិរញ្ញ ដែលមិនអនុញ្ញាតឲ្យពលរដ្ឋខ្មែរចូលទៅលេងល្បែងនៅក្នុង កាសុីណូ នោះឡើយ ។
ប្រភពពីអ្នកញៀនល្បែងដែលធ្លាប់ចេញចូលលេងល្បែងស៊ីសងខុសច្បាប់ដែលជ្រកក្នុងកាស៊ីណូ លោក សុខ ចាយ ហៅ សុខ គីមម៉េង នៅច្រកព្រំដែនទ្វេភាគី តន់ហន់ កម្ពុជា-វៀតណាម ស្ថិតនៅក្នុងភូមិ ព្រែកក្រើស ឃុំព្រែកក្រើស ស្រុកកំពង់ត្រាច ខេត្តកំពត ខាងលើនៅតែបន្តបើកដំណើរការឱ្យក្រុមញៀនល្បែងប្រជាពលរដ្ឋខ្មែរ ដោយសេរី។
មហាជនរិះគន់ដាក់ការសង្ស័យថា សមត្ថកិច្ចពាក់ព័ន្ធក្នុងខេត្តប្រាកដជាមានការ ឃុបឃិតជាប្រព័ន្ធ ទើប កាស៊ីណូ លោក សុខ ចាយហៅសុខ គឹមម៉េង នៅច្រកព្រំដែនទ្វេភាគី តន់ហន់ នៅតែមានសង្ឃឹមនៅតែបន្តបើកដំណើការឲ្យពលរដ្ឋខ្មែរញៀនល្បែងនិងជនជាតិវៀតណាមខ្លះមានប៉ាស្ព័រខ្លះអត់ប៉ាស្ព័រចេញចូលលេងល្បែងសុីសង យ៉ាងសុខស្រួលបំផុត ដោយគ្មានការទប់ស្កាត់និងបង្រ្កាប ពីសំណាក់ អាជ្ញាធរមានសមត្ថកិច្ច មូលដ្ឋានឡេីយ។
មជ្ឈដ្ឋានមហាជន បានលើកឡើងថា ប្រសិនមិនមានការ គប់គិយគ្នាជាប្រព័ន្ធនោះទេ ម្ចាស់កាស៊ីណូ សុខ គីមម៉េង មិនដែលហ៊ានផ្គើនជាមួយច្បាប់ស្តីពី ការគ្រប់គ្រងល្បែងពាណិជ្ជកម្ម នៃព្រះរាជាណាចក្រកម្ពុជា ផ្គើនបទបញ្ជាប្រមុខថ្នាក់ដឹកនាំ នោះដែរ។
ប្រជាពលរដ្ឋ រស់នៅភូមិព្រែកក្រើស ឃុំព្រែកក្រើស ស្រុកកំពង់ត្រាច ស្នើ .លោក ម៉ៅធន្ទិន អភិបាលខេត្តកំពត និង ម៉ៅ ចន្ទ័មធុរិទ្ធ ស្នងការខេត្តកំពត មេត្តាចាត់វិធានការក្តៅចំពោះម្ចាស់ កាស៊ីណូ សុខ គីមម៉េង ដែលបើកឲ្យពលរដ្ឋខ្មែរ និងជនជាតិវៀតណាមខ្លះមានប៉ាស្ព័រខ្លះអត់ប៉ាស្ព័រចេញចូលលេងល្បែងសុីសងជាច្រើនប្រភេទដែលផ្ទុយពីច្បាប់អនុញ្ញាតនោះផង៕
