នាយករដ្ឋមន្ត្រីឆេក លោក Petr Fiala បានប្រកាសថា ប្រទេសឆេកនឹងមិនចូលរួមក្នុងគំនិតផ្តួចផ្តើមដឹកនាំដោយសហរដ្ឋអាមេរិក ក្នុងការទិញសព្វាវុធរបស់សហរដ្ឋអាមេរិកសម្រាប់អ៊ុយក្រែន តាមរយៈអង្គការណាតូនោះទេ។
លោកនាយករដ្ឋមន្រ្តី Fiala ក្នុងការអត្ថាធិប្បាយទៅកាន់វិបផតថលព័ត៌មានសាធារណៈឆេក ដែលបានរាយការណ៍ដោយ Pravda អឺរ៉ុប
លោក Fiala បានថ្លែងថា ៖ «ឆេកកំពុងផ្តោត លើគម្រោង និងវិធីផ្សេងទៀតក្នុងការជួយអ៊ុយក្រែន ជាឧទាហរណ៍ តាមរយៈគំនិតផ្តួចផ្តើមគ្រាប់រំសេវ។ ដូច្នេះហើយ បច្ចុប្បន្នយើងមិនពិចារណាចូលរួមគម្រោងនេះទេ»។
សាវតារឿង
•នៅថ្ងៃច័ន្ទ ទី 14 ខែកក្កដា លោក Trump បានប្រកាសថាកិច្ចព្រមព្រៀងមួយរវាងសហរដ្ឋអាមេរិក និងអង្គការណាតូ ដែលការផ្គត់ផ្គង់អាវុធរបស់សហរដ្ឋអាមេរិកដល់អ៊ុយក្រែននឹងត្រូវបានផ្តល់ហិរញ្ញប្បទានដោយសម្ព័ន្ធមិត្តអឺរ៉ុប។
•អគ្គលេខាធិការអង្គការណាតូ លោក Mark Rutte បាននិយាយនៅថ្ងៃដដែលនោះថា ប្រទេសអាល្លឺម៉ង់ ចក្រភពអង់គ្លេស ហ្វាំងឡង់ ដាណឺម៉ាក ស៊ុយអែត ន័រវែស ហូឡង់ និងកាណាដា សុទ្ធតែចង់ក្លាយជាផ្នែកមួយនៃគំនិតផ្តួចផ្តើមនេះ។
• ប្រទេសអាល្លឺម៉ង់ និងស៊ុយអែតបានបញ្ជាក់ពីការត្រៀមខ្លួនរបស់ពួកគេក្នុងការចូលរួមក្នុងគម្រោងរបស់លោក Trump ។
•នាយករដ្ឋមន្ត្រីហ្វាំងឡង់ Petteri Orpo បានស្វាគមន៍គំនិតផ្តួចផ្តើមនេះ ប៉ុន្តែបាននិយាយថា ប្រទេសហ្វាំងឡង់មិនទាន់សម្រេចចិត្តថាតើត្រូវចូលរួមដែរឬទេ។
