ថៃនឹងរុះរើគណៈរដ្ឋមន្ត្រី ភឿថៃ យកក្រសួងមហាផ្ទៃមកគ្រប់គ្រងខណៈពេលមានការតឹងតែងបញ្ហាព្រំដែនជាមួយកម្ពុជា

ថៃនឹងរុះរើគណៈរដ្ឋមន្ត្រី ភឿថៃ យកក្រសួងមហាផ្ទៃមកគ្រប់គ្រងខណៈពេលមានការតឹងតែងបញ្ហាព្រំដែនជាមួយកម្ពុជា

បាងកក៖ កាសែតThe Natonion ថៃ បានរាយការណ៍ថា យោង ប្រភពពីវិមានរដ្ឋាភិបាលបានរាយការណ៍កាលពីថ្ងៃព្រហស្បតិ៍ថា នាយករដ្ឋមន្រ្តី Paetongtarn Shinawatra និងឧបនាយករដ្ឋមន្ត្រីនិងជារដ្ឋមន្ត្រីការពារជាតិ Phumtham Wechayachai នៃគណបក្សភឿថៃកំពុងរៀបចំជូនដំណឹងទៅលោក Anutin Charnvirakul ឧបនាយករដ្ឋមន្ត្រីនិងជារដ្ឋមន្ត្រីក្រសួងមហាផ្ទៃមកពីគណបក្ស Bhumjaithai អំពីការរុះរើគណៈរដ្ឋមន្ត្រី។

គណបក្ស ភឿថៃ បានស្នើសុំការគ្រប់គ្រងលើក្រសួងមហាផ្ទៃ ហើយបានស្នើឱ្យលោក Anutin ទទួលតួនាទីជាឧបនាយករដ្ឋមន្ត្រី និងជារដ្ឋមន្ត្រីក្រសួងពាណិជ្ជកម្ម។  ប្រភព​ដដែល​បាន​បន្ត​ថា មុខ​តំណែង​ផ្សេង​ទៀត​ក្រោម​គណបក្ស Bhumjaithai នឹង​នៅ​តែ​មិន​មាន​ការ​ផ្លាស់​ប្តូរ។

 គណបក្សភឿថៃ នឹងស្នើលោក Prasert Chanruangthong ជាឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ ជំនួសតំណែងបច្ចុប្បន្នជាឧបនាយករដ្ឋមន្ត្រី និងជារដ្ឋមន្ត្រីក្រសួងសេដ្ឋកិច្ច និងសង្គមឌីជីថល។

 លើសពីនេះ លោក Jakkapong Sangmanee ទីប្រឹក្សានាយករដ្ឋមន្ត្រី និងជាអតីតរដ្ឋមន្ត្រីនៃទីស្តីការនាយករដ្ឋមន្រ្តី នឹងទទួលតួនាទីជារដ្ឋមន្ត្រីក្រសួងសេដ្ឋកិច្ច និងសង្គមឌីជីថល។

ការរុះរើគណៈរដ្ឋមន្ត្រីថៃ ដោយគណបក្សភឿថៃយកក្រសួងមហាផ្ទៃមកគ្រប់គ្រងនេះ ក្នុងខណៈពេលមានការតានតឹងក្នុងរឿងព្រំដែនជាមួយប្រទេសកម្ពុជា។

ថ្មីៗនេះរដ្ខមន្រ្តីក្រសួងមហាផ្ទៃ លោក Anutin Charnvirakul បាននិយាយកាលពីថ្ងៃព្រហស្បតិ៍ថា ប្រទេសកម្ពុជានឹងរងទុក្ខដោយការបើកច្រកព្រំដែនរបស់ខ្លួនយឺតជាងប្រទេសថៃមួយម៉ោង។

លោក Anutin បានធ្វើអត្ថាធិប្បាយអំពីម៉ោងប្រតិបត្តិការថ្មីនៅច្រកព្រំដែន បន្ទាប់ពីជម្លោះព្រំដែនដែលកំពុងបន្តរវាងប្រទេសទាំងពីរ។

 .