ក្រចេះ៖ មេបញ្ជាការអាវុធហត្ថខេត្តក្រចេះ ប្រើគ្រឿងធ្វើសកម្មភាពចាក់លុបដីចំណីបឹងតំបន់បៃតងបឹងរំលាច នៅចំកណ្ដាលក្រុងក្រចេះ ប្រមាណ១០ហិកតា ដោយប្រើត្រឹមលិខិតផ្ទេរសិទ្ធិដោយចុះហត្ថលេខាត្រឹមលោកចៅសង្កាត់អូរឬស្សី ក្រុងក្រចេះ តែប៉ុណ្ណោះ។
ប្រភពពីប្រជាពលរដ្ឋនៅក្រុងក្រុងក្រចេះ បានឲ្យដឹងថា លោកឧត្តមសេនីយ៍ត្រី សាក់ សារ៉ាង មេបញ្ជាការកងរាជអាវុធហត្ថខេត្តក្រចេះ នៅពេលថ្មីៗ នេះ បានប្រើគ្រឿងចក្រលើកក្រវាត់ជុំវិញដីនៅមាត់បឹងរំលាច ដែលត្រូវអភិរក្សជាតំបន់បៃតង និងជាជម្រកត្រី ដែលការពារដោយសហគមន៍ជលផល និងគាំទ្រដោយអាជ្ញាធរខេត្តក្រចេះ និងផ្នែកជំនាញបរិស្ថាន ហើយជាប្រភពធនធានទឹក និងធនធានជលផលដ៏សំខាន់ ក្នុងក្រុងក្រចេះផងដែរ។
ប្រភពបានបន្តឲ្យដឹងថា ការប្រើគ្រឿងចក្រចាក់ដីរាប់សិបឡានឈូសរំលោភយកដីព្រៃលិចទឺកនៅមាត់បឹងរំលាច កណ្ដាលក្រុងក្រចេះប្រមាណ១០ហិកតានេះ ដោយប្រើត្រឹមលិខិតផ្ទេរសិទ្ធិចុះហត្ថលេខា ត្រីមមេភូមិ និងសង្កាត់អូរឬស្សី តែប៉ុណ្ណោះ។
សកម្មភាពឈូសព្រៃលិចទឹកមាត់បឹងតំបន់អភិរក្ស ធនធានជលផល និងតំបន់បៃតងធម្មជាតិ កណ្តាលក្រុងក្រចេះរបស់លោកសាក់ សារ៉ាងនេះ ពុំមានអាជ្ញាធរ និងមន្ត្រីជំនាញជាច្រើនពាក់ពន្ធ័ ពុំហ៊ានទៅអឺតមើលនិងហាមឃាត់នោះទេ ដោយសាររតែលោកជាមេបញ្ជាការប៉េអឹម ទទួលខុសត្រឹមល្នុងការបង្រ្កាបបទល្មើលធនធានធម្មជាតិនេះតែម្តង ។
ជាក់ស្តែង ពេលថ្មីៗនេះ កម្លាំងអាវុធហត្ថខេត្តក្រចេះ បានចាប់ខ្លួនមនុស្សបីនាក់ និងគ្រឿងចក្រ២គ្រឿង ដែលឈូសដីចម្ការពួកគាត់ធ្លាប់អាស្រ័យផល នៅឃុំចង្រង ស្រុកចិត្របុរី ដោយមាន លិខិតផ្ទេរសិទ្ធិត្រឹមមេឃុំ ចង្រ្កង ដូចលិខិងផ្ទេរសិទ្ធិដែលលោកសាក់ សារ៉ាងប្រើឈូសព្រៃលិចទឹកលុបដីតំបន់អភិរក្សធនធានជលផលបឹងរំលាចអីចឹងដែរ។
មេគង្គ ញូវស៍ មិនទាន់ទាក់ទងសុំការបំភ្លឺ ពី លោកផ្កាយឧត្តមសេនីយ៍ សាក់ សារ៉ាង បាននៅឡើយ ចំណែក មន្រ្តីពាក់ពន្ធ័នឹងការគ្រប់បឹងរំលាចនេះ មិនហ៊ានឆ្លើយបំភ្លឺនោះទេ ដោយម្នាក់រុញទៅម្នាក់ ដោយសាររតែអ្នកដែលឈូសព្រៃលិចទឹកចាក់ដិលុបមាត់បឹងរំលាចនោះ ជា«មេបញ្ជាការប៉េអឹមខេត្តក្រចេះ» ៕
